Dragon Ball

Dragon Ball (jap. ドラゴンボール, Doragonbōru) isch e Manga-Serie vum japanische Zaichner Akira Toriyama un basiert uf em Roman Die Reise nach Westen vum Wu Cheng’en. Dr Manga bschrybt d Abenteuer vum Son-Goku un syne Kamrade, wu no dr sibe Dragon Balls sueche.

Dragon Ball isch urspringli vu 1984 bis 1995 im Manga-Magazin Weekly Shōnen Jump erschinen un isch speter in 42 Bänd vereffetligt wore. Di insgsamt 519 Kapitel umfassen iber 8.000 Syte. Derzue git s vier Färnsehserie, 18 Kinofilm, drei Färnsehfilm, zwee Realfilm, drei OVA un e Huffe Videospiil. Mit rund 156 Millione verchaufte Exemplar z Japan un 230 Millione verchaufte Exemplar wältwyt isch Dragon Ball, no One Piece dr zweetmaischtverchauft Manga.